|
Ke terubah, 'Tengah Laman' tu di
gaga serta dipenyadi ukai enggau tuju deka mekit website kitai
iban ka endang udah bisi diatu. Semina tuju serta juluk ati
dikena ngumpul serta mai semua bergempuru lalu nubuh ka siti
raban ti dikumbai 'IbanExpertGroup'.
Nyadi, sapa ka patut enggau?. Sapa
ka patut enggau dikena ke nubuh raban tu ianya, enda milih
sapa-sapa ke ngasai diri ulih serta bisi penemu, maioh penemu
kelebih agi dalam pengawa professional. Ambi ka cunto;
IT,bedagang, doktor, serta pengawa ti bukai. Enda ngelimpang ke
mega ngagai bala bukai ke bisi penemu ti manah serta bisi ulih
meri tulung ke kitai iban.
Nyak alai, tu semina ke pengepun 'Tengah
Laman' tu. Dudi ari, enti nyema raban ti ka ditubuh tu bisi
pemujur, bisi sukung ari bala kitai iban, 'Tengah Laman' tu deka
digaga manah agi serta maioh agi guna iya, endur berandau, endur
kunsi penemu, serta endur betulung ka pangan diri.
Naka ka diatu, nadai maioh pengawa
serta kerja ti ulih digaga, kelebih agi, aku ianya org ke
semampai nguan serta meresi ka 'Tengah Laman' tu. Ngagai barang
sapa-sapa ke ngasai ke diri bisi penemu serta landik dalam
sesebengkah pengawa, tau email ngagai:
[email protected] Lalu beri enggau penuh
tentang penerang diri, enti ulih beserta enggau gambar, ngambi
ke bisi diengkah serta dipeda bak 'bilik' RabanIEG.
Ambi ke bisi ka pengigat semua,
diatu IEG nadai udah orang nyadi ke 'TUAI Kayau', laban agi
ngiga bala RabanIEG ke patut serta ulih mangku pengawa nyadi 'TUAI
Kayau'.Nyak alai semua kitai iban ti bisi penemu serta landik
bak sesebengkah pengawa, tau enggau.
Piak mega, penemu ti ka nubuh ke 'IbanExpertGroup'
tu mega ukai datai ari aku (penyaga Laman) tang datai ari siko
kitai iban ke bedau ka nama iya diengkah ke ditu,(pamo orang
tu).Aku semina meri tulung nyaga serta meresi 'Tengah Laman' tu.
Terima Kasih.
Ari Aku,
penyaga 'Tengah Laman'.
|
|
